الرئيسيةالبوابةمكتبة الصورالتسجيلدخول

شاطر | 
 

 لا يغرك الصمت وسكاتي

اذهب الى الأسفل 
كاتب الموضوعرسالة
شمعه تحترق
المدير
المدير
avatar

انثى عدد الرسائل : 191
الموقع : في بيتنا
العمل/الترفيه : النت
تاريخ التسجيل : 23/04/2008

مُساهمةموضوع: لا يغرك الصمت وسكاتي   السبت أبريل 26, 2008 5:13 pm

مــ -_-_- د خــــــل-----{

مآتغيَّر شي .. لكن .. صار فاضي هالمكـان . .
يعني إنتَ شفت قلبي طحت مِنْ عيني وعينـه


[ كان ] لك قلبي" مدينه "ولاحظ إني قلت : كان
يعني إنتَ الحين واحد خارج حدود [ المدينه ]


ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه


ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه


والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟






صبآحكمـ / مسآءكمـ .. ورد






الدرب واضح بس لا تجهـل الـدرب

اللـي يحبـك دايــمٍ يستشـيـرك


ماهو مثل صاحبك عايش على الكذب

وان ما كذب يمـوت الله يجيـرك !!



تبي الصراحه مالك ومـال هالقـرب

ماهو كفو شـرواه يصبـح عشيـرك



انا ادري انه تـرف وصغيـر وذرب

لكن مصيره يختلف عـن مصيرك


لاتحسبـن السالفـه كلـهـا لـعـب

اصحى معي من شان يصحى ضميرك


اللي تحبـه صعبـه شـوي ينحـب

قلـه يـروح وكـثـر الله خـيـرك

تدري وش اللي يذبـح القلـب ياقلـب

انك تحب انسان ويحـب غيـرك







لا تشتكي حالك على كل من جــــاك

بعض البشر يفرح إلى قلت مهمـوم



يخفي سهومه بين همك وشكـــواك
يشمت بحالك والحصيلة شقا ولــوم



وأرفع يدك للي كريم إلى أعطـــــاك
جزل العطايا هادي النفس للنــــــوم



وأحذر من اللي ينقل الهرج لعــداك
يظهر لك بطيبه وهو منه معـــــدوم



قلبه مريض ويزرع الشر بـــــدواك
بعرض عليك الرأي والرأي مسموم






بيّض الله وجهك اللـي ساتـره تحـت القنـاع
ورايتك بيضا معاي وياعسـى عمـرك طويـل

يعني اعطيك الثقه وتردّها ب(لـوي) الـذراع؟؟
ياخي ما شا الله عليك ابدعت فـي رد الجميـل

مدري كيف اشكرْك مدري كيف ارد الصاع صاع
كنت احسْب انّك عزيز النفس .. تطلع لي ذليـل

كم وانـا عيّيـت اصـدّق فيـك قدرالمستطـاع
من غبائي كنت أسكت واعذرك.. واثْر الحصيل

جرح قلبٍ .. ميزته فـي كـل يـوم الإتسـاع
ودمع عينٍ ينهمر من ضيقتي.. فـي كـل ليـل

والله اني كنت احبك حـب .. واتْبعْـك اتّبـاع
كنت لجل ارضي غرورك بس اسوّي المستحيل

كنت اعمى فيك .. لالا .. كنت ميّـت للنخـاع
كنت مدري كيف؟؟ لكن كنت صادق معك حيـل






سألته عن ثـــلاث سنين مرت كنها وقفـــه !!
وتمتم لي بكلمــاتٍ تذكـرني بسكينـــي !
سألته عن هذا الشايب اللي شبت ما أعرفه
ضحـــك وده يطمني ...بكى كنه يعزينـــي
سألته ليه ياجرح الشقاء طعنتك مختلفه ..؟؟
تسابق يمها دمي ..وهمي ...وأخضرسنينــي ؟
تذكر وقتها يوم الـــوداع وصابته رجفه
شهق كنه يقول ( أسكت دخيلك لا تعنيني )
سألني ( لو حصل وان شفت خلك مرةٍ صدفه ؟؟)
نظرت لوجهه الشاحب وكن الموت حــــاديني













ممكن سؤال ؟!!
.
.
.
.
.
.
.
شخباره الجرح القديم ؟!!
للحين يسأل وين أنا ؟!
للحين يسأل كيف انا ؟!
ودي افضفض لك واقول :اشتقت لك
اشتقت لك والله العظيم







كان قلبي ينتظر لامن نسيه
بس وين إنسان يقبلني بكوني
كنت اعذل القلب بس الله يهديه
قال قلبي ابعدوا ما تفهموني
قلت له يا قلب راح اللي تبيه
قال راضي بالهوى لو عذبوني
كان قلبي علته يمشي ويتيه
الهوى والقلب والخل ذبحوني






حبيبي حتى لو زولي من غيابـك فقـد ظلـه
كفاية شمسك اليا اليوم تنسـج حولـي ظلالـك

تبيني اعتذر؟ (آسف) ولكن وش هي الزلـة؟؟
تبيني أجرحك؟ حاضر .. أنا همـك وغربالـك

مدام أني سبب دمـع حزيـن ناظـرك هلـه
فعساني يا بعد عيني اجل ما اطري على بالك!!

وإذا قالوا لك إن قلبي من فراقك نـزف غلـه
قل إن: مابه بلى عسـى درب السعـد فالـك

وأنـا والله وثـم والله وثـم والله وثــم والله
لا سوي ما تبي من شان بـس تحقـق آمالـك

ولكن قبل ما تبعد وتنسـى مـا مضـى كلـه
أمانه بس علمني وش اللـي غيـر أحوالـك!!






لا .. لايغرك كثير الصمت .. وسكاتي ,,
خل المشاعر تقول ( الآه ) وإسألهـا ’’
يسكني الحب .. واضح من عباراتـي ,,
وش عاد لجلك حروفي لـو أذللها ’’
عذبني الشوق واسرفـت بخيالاتـي ,,
روح ٍ تحبك دخيلك ليه .. تهملها ’’
ياليتك إشوي تشعـر فـي معاناتـي ,,
دنياك يمكن عليك تضيـق باكملهـا ’’
الحزن كنه سفيـري فـي علاقاتـي ,,
والهم خيّم على حالـي .. وطولهـا ’’
اغديت دربي وتاهت فيـك خطواتـي ,,
كل المواعيد مدري ليـش تجلهـا ’’
سنين احاول وضاعت كـل حيلاتـي ,,
متدري اني ( حيـاة الـذّل ) مقبلهـا ’’










أنا بأمشي .. ولاتنشد .. بعد فرقاي .. وينـــه راح

أبي منك ... طلب واحد .. أمانة ..... بس ... تذكرني


أبي .. تعرف غلط نفسك .. وتبكي منكسر .. بجراح
وتعرف .. يوم أنا أسهر .. وش اللي كان .. مسهرني


وتعرف ... كم سكين طعني .. يوم ....حظي طـاح
بسبة ..... حبي لقلبك .. وقلبك ..... كان ينكرنـي


تعب قلبي ... من اسبابك .. وحبك كاتمه .. ماباح
تعبت من الصبر ... حتى .. أحس الشوق .. فجرني













مـ-_-_-_-_ ـخرج-------}


تدري متى تبكي صديقك وهو حي ؟


إذا دريـت إنـه يبيـع الكـرامه


يا وي من وقت التعاجيـب يـا وي


كـل ٍ يقـول أنـا زعيـم الفـهامة

اسمع كلامي وانتظر وانتظـر شـوي


خل الملامه خـل عنـك المـلامه


إذا فقدتك أنت بالذات مـن لـي ؟


أبقـى وحيـد ليـا نهـار القيـامه


وإن جالك السافل يبي خوتك ..عـي


والله ليطلع لك من الطيـب شامـه



لا تعتذر ما تجتمع شمس مـع فـي


عذر البخيـل إنـه كثيـرٍ صيـامه

قالوا من أول آخر علاجهـا الكـي


يمكن يفيـد الكـي مـع الرخامـة


إن جيت او ما جيت عادي ولا شـي


موقف وعـدّا وانتهـي بـ السلامــه

تدري متى تبكي صديقك وهو حي ؟

والله ( قسم ) إن فارقتـه الكـرامه !!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حسايف
عضو
عضو


عدد الرسائل : 4
تاريخ التسجيل : 27/04/2008

مُساهمةموضوع: رد: لا يغرك الصمت وسكاتي   الأحد أبريل 27, 2008 3:43 pm

كلام جدا رائع

يسلموووو شمعة ع الرسالة الاكثر من رائعة

وننتظر جديدك دايما


study
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
معاند الوقت
عضو مستجد
عضو مستجد
avatar

ذكر عدد الرسائل : 25
تاريخ التسجيل : 27/04/2008

مُساهمةموضوع: رد: لا يغرك الصمت وسكاتي   الأحد أبريل 27, 2008 6:09 pm

يسلمـوو شمعه من جد كلام في غاايه الروووعه
ماننحرم من جديدك يالغلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ولــــــ المدينة ــــــد
المدير
المدير
avatar

ذكر عدد الرسائل : 78
المزاج : نعسااااااان !!!!
مزاجي :
تاريخ التسجيل : 23/04/2008

مُساهمةموضوع: رد: لا يغرك الصمت وسكاتي   الإثنين مايو 05, 2008 5:17 am

تسلم اناملك يا شمعه

على الرسائل الأكثر من حلوه

وما قصرتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alsabbah.mam9.com
عسـوله
عضو مشارك
عضو مشارك
avatar

عدد الرسائل : 32
تاريخ التسجيل : 27/04/2008

مُساهمةموضوع: رد: لا يغرك الصمت وسكاتي   الخميس مايو 15, 2008 10:56 am

شكرا شمعه على الموضووع بالمررررررررررره حلووووووووو


الف تحيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لا يغرك الصمت وسكاتي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات همس المشاعر :: هــــــمـــــــ •¦[ ₪ مـنـتـديـات الجـوال والبـلـوتـوث₪ ]¦• ـــــــس :: همس لرسائل الجوال-
انتقل الى: